इंग्ल्यान्डमा आयोजना हुने ‘द हन्ड्रेड’ क्रिकेट प्रतियोगिताको अक्सनमा नेपाली राष्ट्रिय टोलीका लेगस्पिनर सन्दीप लामिछाने अनसोल्ड भएका छन्।

सन्दीपले विदेशी खेलाडी (अन्य) क्याटेगोरीमा ३१ हजार पाउन्ड बेस मूल्य राख्दै अक्सनका लागि नाम दर्ता गराएका थिए। विदेशी खेलाडीको कोटा पूरा हुँदासम्म उनको नाम अक्सन प्रक्रियामा नआएको जनाइएको छ।

अन्तिम चरणमा टोलीहरूलाई खेलाडी छनोटको अवसर दिइए पनि कुनै पनि टोलीले उनलाई अनुबन्ध गर्न रुचि देखाएन।

यसअघि सन् २०२१ मा सन्दीप ओभल इन्भिन्सिबल्सबाट १ लाख पाउन्डमा अनुबन्ध भएका थिए, तर उनले कुनै खेल खेल्ने अवसर पाएका थिएनन्।

सन्दीपले यसअघि आईपीएल, बीबीएल, बीपीएल र सीपीएलजस्ता अन्तर्राष्ट्रिय फ्रेन्चाइज क्रिकेट लिगमा सहभागिता जनाइसकेका छन्।