बाराको जीतपुरसिमरा उपमहानगरपालिका–२ डुमरवाना–बडहर्वा सडकखण्डमा ट्याक्टरले ठक्कर दिँदा ६१ वर्षीय केदारप्रसाद शर्माको मृत्यु भएको छ। शर्मा रौतहटको संग्रामपुर घर भएका सेवानिवृत्त शिक्षक हुन्।

प्रहरीका अनुसार मोटरसाइकल अनियन्त्रित भएपछि विपरीत दिशाबाट आएको अर्को ट्याक्टरसँग ठोक्किँदा दुर्घटना झन् गम्भीर बनेको थियो। गम्भीर घाइते शर्मालाई वीरगन्जको मेडिसिटी अस्पताल लगिएकोमा उपचारकै क्रममा मृत्यु भएको प्रहरीले जनाएको छ।

दुर्घटनामा संलग्न चालक र सवारी साधन नियन्त्रणमा लिएर प्रहरीले थप अनुसन्धान अघि बढाएको छ।