गृहमन्त्री सुधन गुरुङले गृह मन्त्रालयको जिम्मेवारी सम्हालेको एक साता पूरा भएको छ। गत शुक्रबार पदभार ग्रहण गरेसँगै उनले सुरक्षाकर्मी र प्रशासनलाई सक्रिय बनाउँदै सुशासन र कानुन कार्यान्वयनमा कडाइ सुरु गरेका छन्।

एक साता भरमा सुरक्षा निकायले विभिन्न अभियोगमा ७ जना उच्च पदस्थ व्यक्तिलाई नियन्त्रणमा लिएको छ। मन्त्री गुरुङले पद सम्हाल्दासँगै भ्रष्टाचार नियन्त्रण, सुशासन कायम राख्ने र कानुनको प्रभावकारी कार्यान्वयन गर्ने प्रतिबद्धता व्यक्त गरेका थिए।

सुरक्षा निकायका अनुसार उक्त कारबाहीलाई सरकारले सुरु गरेको ‘एक्सन मोड’को पहिलो संकेतका रूपमा हेरिएको छ। आगामी दिनमा पनि यस्ता कदम निरन्तर जारी रहने र प्रशासनिक क्षेत्रमा सकारात्मक सन्देश प्रवाह हुने बताइएको छ।