प्रतिनिधिसभाको पहिलो बैठकमा प्रतिपक्षी दल नेकपा एमालेले अध्यक्ष केपी शर्मा ओली र नेपाली कांग्रेसका नेता रमेश लेखकको पक्राउप्रति आपत्ति जनाएको छ।

एमाले सांसद गुरु बरालले बैठकमा उठ्दै संविधान विपरीत दफा १८१ र १८२को गलत प्रयोग गरी दुवै नेतालाई बन्दी बनाइएको आरोप लगाउँदै तत्काल रिहाइको माग गर्नुभएको छ।

बरालले भने, “देशभर विरोध प्रदर्शन भइरहेको छ र सरकारले निर्मम दमन गरिरहेको छ। पूर्वप्रधानमन्त्री ओली र पूर्वगृहमन्त्री लेखकको आजै रिहाइ हुनुपर्छ।”

सभामुख अर्जुननरसिंह केसीले सांसदलाई वक्तव्य दिने अवसर उपलब्ध गराएका थिए।