पर्सा नागरिकता कार्यालयमा अब सेवाग्राहीहरूले सहज र छरितो सेवा पाउने भएका छन्। पहिले नागरिकता बनाउने कामका लागि फाइल लिएर कार्यालयका विभिन्न कोठा घुम्नु पर्थ्यो, तर अहिले सबै प्रक्रिया एउटै कोठाबाट सम्पन्न हुने व्यवस्था गरिएको छ।

नागरिकता सम्बन्धी फाइल जाँच, रुजु, प्रमाणिकरण र वितरण सबै काम एउटै स्थानबाट हुने भएपछि सेवाग्राहीहरूको चहलपहल बढेको छ। कार्यालयको यो सुधारपछि नागरिकहरू द्रुत र सरल सेवाप्रवाहका कारण खुसी व्यक्त गरेका छन्।

स्थानिय प्रशासनका अनुसार, यस नयाँ प्रणालीले समय बचत र कामकाजमा पारदर्शिता बढाएको छ। भविष्यमा अन्य प्रशासनिक सेवा क्षेत्रमा पनि यस्तै सुधार लागू हुने आशा गरिएको छ।