देशको पछिल्लो राजनीतिक अवस्थालाई मध्यनजर गर्दै मधेस प्रदेशभर सुरक्षा व्यवस्था कडा बनाइएको छ। प्रहरी प्रधान कार्यालयको निर्देशनपछि मधेस प्रदेशका सबै प्रहरी युनिटलाई हाई अलर्टमा बस्न सर्कुलर जारी गरिएको हो।

प्रदेश प्रहरी प्रमुख गोविन्द थपलियाले सुरक्षा चुनौती बढ्न सक्ने सम्भावनालाई ध्यानमा राख्दै यस्तो निर्णय गरिएको बताए। उनले अहिले सबै जिल्लामा प्रहरी परिचालन बढाइएको र गतिविधि निगरानी तीव्र बनाइएको जानकारी दिए।

प्रहरीका अनुसार आजदेखि लागू हुने गरी सम्पूर्ण प्रहरी कर्मचारीको बिदा पनि रोकिएको छ।