पूर्वप्रधानमन्त्री केपी शर्मा ओलीलाई प्रहरीले गुण्डुस्थित घरबाट नियन्त्रणमा लिएको छ। यसअघि पूर्वगृहमन्त्री रमेश लेखक पक्राउ भइसकेको थियो।

ओली र लेखकलाई पक्राउ गर्नुको कारण गौरीबहादुर कार्की नेतृत्वको आयोगको प्रतिवेदन कार्यान्वयन गर्न हो। प्रतिवेदनअनुसार गत भदौ २३–२४ मा भएको जेन–जी आन्दोलन दमन प्रकरणमा तत्कालीन नेताहरूमाथि अनुसन्धान अघि बढाउन सिफारिस गरिएको थियो।

पक्राउका लागि गृह मन्त्रालयले लिखित आदेश दिएपछि गृहसचिव राजकुमार श्रेष्ठ र कानुन सचिव परासर ढुंगाना प्रहरी प्रधान कार्यालय पुगेका थिए।

उपत्यकामा सुरक्षा कडा पारिएको छ। गृहमन्त्री सुधन गुरुङले मध्यरातसम्म सुरक्षा निकायका प्रमुखहरूसँग लगातार छलफल गर्दै घटनाको व्यवस्थापन गरिरहेका थिए।