वीरगंज महानगरपालिकाका मेयर राजेशमान सिंहले बिहीबार कार्यालय परिसरमा चैते दशैंको अवसरमा मौली पूजा-अर्चना गरी नगरवासीको सुख, शान्ति, समृद्धि र विपद्‌बाट सुरक्षा प्राप्तिको कामना गरेका छन्।

पूजा कार्यक्रममा महानगरपालिकाका जनप्रतिनिधि, कर्मचारी, महानगर प्रहरी र दमकलका कर्मचारी सहभागी भएका थिए। मेयर सिंहले धार्मिक तथा सांस्कृतिक परम्पराले समाजमा सकारात्मक ऊर्जा र एकता कायम गर्न महत्वपूर्ण भूमिका खेलेको उल्लेख गर्दै यस्ता संस्कारको संरक्षण आवश्यक भएको बताए।