माइस्थान मन्दिर सञ्चालक समितिको आयोजनामा र राउन्ड टेबल नेपालको सहयोगमा बुधबार माइस्थान प्रांगणमा रक्तदान कार्यक्रम सम्पन्न भएको छ। कार्यक्रममा आठ महिला सहित कुल ६५ जनाले रक्तदान गरेका छन्।

रक्तदान गर्नेमा बबिता देवी थरुनी, ज्योती प्रधान श्रेष्ठ, रन्जु गिरी, स्मृती कार्की, नवराज भट्टराई, मोहित राजपाल लगायतको सहभागिता रहेको छ। रक्तसञ्चार केन्द्र वीरगंजका प्राविधिक प्रमुख सौरभ राज पाण्डेले जानकारी दिनुभयो।

कार्यक्रम गहावामाई मन्दिर समितिका अध्यक्ष नरेन्द्र साहको अध्यक्षतामा सम्पन्न भएको थियो। राउन्ड टेबल नेपालका अध्यक्ष दिपक अग्रवाल, स्थानीय जनप्रतिनिधि, समाजसेवी र पत्रकारहरू पनि उपस्थित थिए। रक्तसञ्चार केन्द्रका प्राविधिक जितेन्द्र कुश्वाहाको नेतृत्वमा स्वयंसेवक टोलीले रक्तदान प्रक्रिया सहज बनाउन सहयोग गरेको थियो।