राष्ट्रिय स्वतन्त्र पार्टी (रास्वपा) ले समानुपातिक निर्वाचन प्रणालीबाट प्रतिनिधि सभा सदस्य बन्ने ५७ जनाको नामावली तय गरेको छ।

पार्टीको आज बसेको सचिवालय बैठकले ४८ महिला र ९ पुरुष गरी ५७ जनाको नाम टुंगो लगाएको प्रवक्ता मनिष झा ले जानकारी दिनुभयो। उहाँका अनुसार सो नामावली आजै निर्वाचन आयोग नेपाल मा बुझाइने तयारी गरिएको छ।

क्लस्टर अनुसार खसआर्यबाट १७, आदिवासी जनजातिबाट १६, मधेसीबाट ९, दलितबाट ८, थारुबाट ४ र मुस्लिम समुदायबाट ३ जनालाई समावेश गरिएको छ।

तर सूचीमा परेका व्यक्तिहरूको नाम भने हाल सार्वजनिक गरिएको छैन। निर्वाचन आयोगले नामावली रुजु गरी स्वीकृत गरेपछि मात्र विस्तृत विवरण सार्वजनिक गरिने प्रवक्ता झाले बताए ।