फागुन २१ गते सम्पन्न प्रतिनिधिसभा निर्वाचनमा खटिएका अस्थायी निर्वाचन प्रहरीहरूको आज औपचारिक रूपमा बिदाइ हुँदैछ।

नेपाल प्रहरीका केन्द्रीय प्रवक्ता अवि नारायण काफ्लेका अनुसार ४० कार्यदिनका लागि भर्ना भएका प्रहरीलाई धन्यवाद ज्ञापन गर्दै प्रमाणपत्र प्रदान गरिनेछ। उनीहरूले देशलाई आवश्यक परेमा पुनः सहयोग गर्ने प्रतिबद्धता व्यक्त गर्दै सम्मानपूर्वक बिदाइ गरिनेछ।

निर्वाचनको प्रभावकारी सुरक्षाका लागि नेपाल प्रहरी मातहत १ लाख ३३ हजार ९ सय ८० र सशस्त्र प्रहरी बल मातहत १५ हजार १ सय १० गरी कुल १ लाख ४९ हजार ९० जना निर्वाचन प्रहरी परिचालन गरिएको थियो।

अस्थायी प्रहरीहरूले पाउनुपर्ने पारिश्रमिक र सुविधाको रकम सम्बन्धित खातामा पठाइसकिएको छ। उनीहरूले ३४ हजार रुपैयाँ तलबसहित रासन भत्ता, यातायात भत्ता, खाजा खर्च र पोसाक भत्ता पाएका थिए।