पाकिस्तानका प्रधानमन्त्री शहबाज शरीफले राष्ट्रिय स्वतन्त्र पार्टी (रास्वपा) का सभापति रवि लामिछाने र वरिष्ठ नेता बालेन्द्र (बालेन) शाहसहित पार्टीलाई हालै सम्पन्न आमनिर्वाचनमा प्राप्त सफलताका लागि बधाई दिएका छन्।

नेताद्वयलाई पठाइएको बधाई सन्देशमा प्रधानमन्त्री शरीफले उक्त जनादेश नेपाली नागरिकले नयाँ तथा गतिशील नेतृत्वप्रति देखाएको विश्वासको प्रतिबिम्ब भएको उल्लेख गरेका छन्।

सन्देशमा उनले पाकिस्तान र नेपालबीचको ऐतिहासिक मित्रता तथा सहकार्यलाई अझ सुदृढ बनाउन नवनिर्वाचित नेपाल सरकारसँग नजिकबाट सहकार्य गर्न पाकिस्तान इच्छुक रहेको पनि बताएका छन्।