प्रतिनिधिसभा निर्वाचनअन्तर्गत समानुपातिकतर्फको मतगणना सम्पन्न भएसँगै संसदमा दलहरूको शक्ति सन्तुलन स्पष्ट भएको छ। सार्वजनिक परिणामअनुसार राष्ट्रिय स्वतन्त्र पार्टी (रास्वपा) सबैभन्दा ठूलो दल बने पनि दुईतिहाइ बहुमत भने पुग्न सकेको छैन।

रास्वपाले प्रत्यक्षतर्फ १२५ र समानुपातिकतर्फ ५७ गरी कुल १८२ सिट प्राप्त गरेको छ। प्रतिनिधिसभामा दुईतिहाइ बहुमतका लागि १८४ सिट आवश्यक पर्ने भएकाले रास्वपा दुई सिटले बहुमतबाट पछि परेको हो।

यस्तै नेपाली कांग्रेसले प्रत्यक्ष १८ र समानुपातिक २० गरी ३८ सिट जितेको छ भने नेकपा एमालेले प्रत्यक्ष ९ र समानुपातिक १६ गरी २५ सिट हासिल गरेको छ। नेकपाले प्रत्यक्ष ७ र समानुपातिक ९ गरी १६ सिट प्राप्त गरेको छ।

त्यस्तै श्रम संस्कृति पार्टीले ३ प्रत्यक्ष र ४ समानुपातिक गरी ७ सिट जित्दा राष्ट्रिय प्रजातन्त्र पार्टी (राप्रपा) ले १ प्रत्यक्ष र ४ समानुपातिक गरी ५ सिट प्राप्त गरेको छ। परिणाम सार्वजनिक भएसँगै आगामी सरकार गठनका विषयमा राजनीतिक दलहरूबीच छलफल तीव्र हुने अपेक्षा गरिएको छ।