गएको बिहिबार सम्पन्न प्रतिनिधि सभा सदस्य निर्वाचनको सम्पूर्ण १६५ निर्वाचन क्षेत्रको प्रत्यक्ष मत परिणाम सार्वजनिक भएको छ।

राष्ट्रिय स्वतन्त्र पार्टी, रास्वपाले प्रत्यक्षमा १२५ सिट जितेको छ भने समानुपातिक मत हालसम्म ५०३६८१० पुगेको छ।

नेपाली कांग्रेसले १८ सिटमा विजय हासिल गरेको छ, समानुपातिक मत १७०६७२६ पुगेको छ।
नेकपा एमालेले ९ सिट जितेको छ, समानुपातिकमा १४२३५६२ मत पाएको छ।

नेपाली कम्युनिष्ट पार्टी, नेकपाले ८ सिट जितेको छ, समानुपातिक मत ७७५६०६ पुगेको छ।
श्रम संस्कृति पार्टीले ३ सिट जितेको छ, समानुपातिक मत ३६४९८४ रहेको छ।

राष्ट्रिय प्रजातन्त्र पार्टीले १ सिट जितेको छ, समानुपातिक मत ३२६४४१ पुगेको छ।
त्यसैगरी, एक स्वतन्त्र उम्मेदवारले प्रत्यक्षमा १ सिट जितेको छ।

समानुपातिक मत गणना अझै जारी छ। रास्वपाको बहुमतले नयाँ सरकार गठन प्रक्रिया सुरु हुने अपेक्षा गरिएको छ।