गत फागुन २१ गते बिहीबार सम्पन्न प्रतिनिधिसभा सदस्य निर्वाचनअन्तर्गत चितवन क्षेत्र नम्बर ३ मा राष्ट्रिय स्वतन्त्र पार्टी (रास्वपा)की उम्मेदवार सोविता गौतम विजयी भएकी छन्।

गौतमले ५९ हजार २७७ मत प्राप्त गर्दै जीत हासिल गरेकी हुन्। उनका निकटतम प्रतिस्पर्धी नेकपा (नेपाली कम्युनिष्ट पार्टी ) की उम्मेदवार रेणु दाहालले २० हजार ६१५ मत प्राप्त गरेकी छन्।

त्यस्तै नेकपा एमालेका उम्मेदवार टेकप्रसाद गुरुङ ८ हजार ३४४ मतसहित तेस्रो स्थानमा रहेका छन्। उक्त क्षेत्रमा मतगणना सम्पन्न भएसँगै गौतम विजयी भएको निर्वाचन अधिकृतको कार्यालयले जनाएको छ।