वीरगंज , २२ फागुन –

प्रतिनिधिसभा सदस्य निर्वाचनअन्तर्गत पर्सा निर्वाचन क्षेत्र नम्बर २ मा जारी मतगणनामा राष्ट्रिय स्वतन्त्र पार्टी (रास्वपा) का उम्मेदवार सुशील साह कानु अग्रतामा रहेका छन्।

हालसम्मको मतपरिणाम अनुसार कानुले १,०७७ मत प्राप्त गरेका छन्। नेकपा एमालेकी उम्मेदवार रिमा कुमारी यादवले ६४३ मत पाएकी छन् भने नेपाली कांग्रेसका अजय चौरसियाले ३०० मत प्राप्त गरेका छन्।

मतगणना कार्य अझै जारी रहेको मुख्य निर्वाचन अधिकृतको कार्यालयले जनाएको छ।