पर्सा क्षेत्र नं. १ मा चुनावी माहोल दिनप्रतिदिन तात्दै गएको छ। स्थानीय राजनीतिक वृत्तमा यसपटक मुख्य प्रतिस्पर्धा नेपाल कम्युनिस्ट पार्टी (एमाले) र राष्ट्रिय स्वतन्त्र पार्टी (रास्वपा) बीच हुने आँकलन गरिएको छ।

स्थानीय मतदाताहरूले कांग्रेसका उम्मेदवारले समाजमा दीर्घकालीन लगानी नगरेको र केवल पैसाको बलमा चुनाव जित्ने रणनीति अपनाएको आरोप लगाएका छन्। एक मतदाताले भने, “पैसाको बलमा मात्र चुनाव जितिन्छ भन्ने सोच अब काम लाग्दैन। मतदाताहरू विकास, पारदर्शिता र निरन्तर सामाजिक संलग्नतालाई प्राथमिकता दिइरहेका छन्।”

तर, कांग्रेस पक्षले यस्तो दाबीलाई राजनीतिक प्रचारको हिस्सा भएको बताउँदै आफ्नो संगठन मजबुत रहेको र अन्तिम नतिजाले सबैलाई आश्चर्यचकित पार्ने दाबी गरेको छ।

पर्सा–१ मा यसपटकको चुनाव प्रतिष्ठाको लडाइँका रूपमा हेरिएको छ। मतदाताको अन्तिम निर्णयले क्षेत्रको वास्तविक शक्ति सन्तुलन स्पष्ट पार्नेछ।