आगामी प्रतिनिधिसभा निर्वाचन नजिकिँदै गर्दा पर्सा क्षेत्र नम्बर १ मा राजनीतिक गतिविधि झन् तीव्र बन्दै गएको छ। विभिन्न दलका उम्मेदवारहरूले मतदातासँग प्रत्यक्ष भेटघाट र घरदैलो मार्फत आफ्नो उपस्थिती देखाइरहेका छन्।

यसै क्रममा पिपुल फर्स्ट पार्टीका प्रतिनिधिसभा सदस्य उम्मेदवार जाबेद एकबाल हैदरले आफ्नो घरदैलो अभियानलाई निरन्तरता दिएका छन्। आज उनले वडा नम्बर १८ र २१ मा स्थानीय बासिन्दासँग प्रत्यक्ष भेटघाट गर्दै समस्या सुनेका थिए।

मतदातासँगको संवादमा हैदरले भने, “परिवर्तनका लागि मलाई चुन्नुस्। म जनताको आवाज संसदसम्म पुर्‍याउनेछु।” उनले आफ्नो चुनावी एजेन्डा समेत प्रस्तुत गर्दै सुशासन, विकास र स्थानीय सुविधामा केन्द्रित प्रतिबद्धता व्यक्त गर्नुभयो।

स्थानीय बासिन्दाले पनि यस अवसरमा उम्मेदवारसँग प्रत्यक्ष संवाद गर्न पाउँदा खुशी व्यक्त गरेका थिए र आफ्ना सुझाव र अपेक्षाहरू राखेका थिए।