नेकपा (एमाले) ले बारा निर्वाचन क्षेत्र नम्बर ४ बाट पूर्वमन्त्री कृष्णकुमार श्रेष्ठ ‘किसान’ लाई प्रतिनिधिसभा निर्वाचनका लागि उम्मेदवार बनाउने निर्णय गरेको छ। पार्टी स्रोतका अनुसार केन्द्रिय तहबाट श्रेष्ठलाई टिकट प्रदान गरिएको हो ।

पूर्वमन्त्री श्रेष्ठ एमालेभित्र अनुभवी र संगठनात्मक रूपमा बलियो नेताका रूपमा परिचित छन्। बारा जिल्लामा उनको राजनीतिक पकड मजबूत भएकाले एमालेले उनलाई पुनः मैदानमा उतार्ने निर्णय गरेको बताइएको छ ।

बारा–४ प्रतिस्पर्धात्मक निर्वाचन क्षेत्र मानिँदै आएको छ। यहाँ सत्ता गठबन्धन र अन्य दलहरूको पनि बलियो उपस्थितिले चुनाव रोचक हुने अनुमान गरिएको छ। एमालेले अनुभवी नेतालाई अघि सारेर जित सुनिश्चित गर्ने रणनीति अपनाएको देखिन्छ ।

उम्मेदवारी सार्वजनिक भएसँगै कार्यकर्ता र समर्थकहरू उत्साहित भएको जानकारी दिइएको छ। पार्टीले औपचारिक नामावली सार्वजनिक गर्ने कार्यक्रम अझै तय नगरेको भए पनि बारा–४ मा श्रेष्ठ नै उम्मेदवार हुने लगभग निश्चित देखिन्छ ।

अब बारा–४ मा हुने चुनावी प्रतिस्पर्धाले जिल्लाको राजनीतिक समीकरण कस्तो मोड लिन्छ भन्नेमा सबैको चासो केन्द्रित छ ।