वीरगंजको परवानीपुर बाइपासमा शुक्रबार राति भएको सवारी दुर्घटनामा मोटरसाइकल चालक युवकको मृत्यु भएको छ।

प्रदेश २–०३–०२३ प ७१ नम्बरको पल्सर मोटरसाइकल माल बोक्ने फोरक्लिपसँग ठोक्किँदा दुर्घटना भएको हो। दुर्घटनापछि गम्भीर घाइते भएका चालकलाई उपचारका लागि वीरगंज–१४ बहुअरीस्थित वीरगंज हेल्थकेयर हस्पिटल पुर्या इएको थियो। तर उपचारका क्रममा चिकित्सकले उनलाई मृत घोषणा गरेका छन्।

जिल्ला प्रहरी कार्यालय पर्साका अनुसार मृतकको पहिचान खुल्न बाँकी रहेको छ। शव अस्पतालमै राखिएको छ भने दुर्घटनाको कारणबारे अनुसन्धान भइरहेको प्रहरीले जनाएको छ।

प्रहरीले यस्ता दुर्घटना न्यूनीकरणका लागि सवारी चालकलाई थप सतर्कता अपनाउन अनुरोध गरेको छ।