मधेस प्रदेश सरकारको मन्त्रिपरिषद्ले करिब एक महिनापछि पूर्णता पाउने भएको छ। मुख्यमन्त्री तथा मन्त्रिपरिषद् कार्यालयका अनुसार आज थप ६ जना मन्त्री नियुक्त गरिँदै छ र उनीहरूलाई आजै शपथ गराउने तयारी गरिएको छ।

नियुक्त हुने मन्त्रीहरूमा मनिष कुमार सुमनलाई श्रम तथा यातायात मन्त्रालय, राजकुमार गुप्तालाई भौतिक पूर्वाधार विकास मन्त्रालय, शङ्करप्रसाद चौधरीलाई वन तथा वातावरण मन्त्रालय, श्यामप्रसाद पटेललाई भूमि व्यवस्था, कृषि तथा सहकारी मन्त्रालय, वसन्तकुमार कुशवाहालाई खेलकुद तथा समाज कल्याण मन्त्रालय तथा फकिरा महतोलाई गृह, सञ्चार तथा कानुन मन्त्रालयको जिम्मेवारी दिइने भएको छ।

यससँगै मधेस प्रदेश सरकारको मन्त्रिपरिषद् पूर्ण रूपमा गठन हुने भएको छ।