फागुन २१ गते हुने निर्वाचनलाई लक्षित गर्दै सहकार्यको प्रयासस्वरूप राष्ट्रिय स्वतन्त्र पार्टीका सभापति रवि लामिछाने र काठमाडौँ महानगरपालिकाका मेयर बालेन शाहबीच छलफल भइरहेको छ। छलफल ललितपुरस्थित बालेनका सहयोगी कुमार बेनको निवासमा चलिरहेको छ।

छलफल भइरहँदा बाहिर भने जेन–जी अभियन्ता सुदन गुरुङ उपस्थित छन्। उनले सहमतिको दबाब दिन आफू छलफलस्थलमा आएको बताएका छन्। गुरुङले सामाजिक सञ्जालमार्फत दबाब दिन घरको गेटमा ताला लगाइदिएको दाबीसमेत गरेका छन्।

उनले जारी गरेको भिडियोमा “सम्झौता नहुँदासम्म रवि लामिछाने र बालेन शाहलाई बाहिर जान नदिने” उल्लेख गर्दै गेट नखोलिने बताएका छन्। सहमति नजुटेसम्म दबाब जारी रहने उनको भनाइ छ।