चैती छठ पर्वअन्तर्गत आज मुख्य दिन साँझ व्रतालुहरूले अस्ताउँदो सूर्यलाई अर्घ दिएका छन्। वीरगंज लगायत पर्साका विभिन्न नदी, पोखरी तथा जलाशयमा बनाइएका छठघाटहरूमा व्रतालुहरूको भीड लागेको छ।

छठ पर्व आइतबार ‘नुहाए खाए’ विधिबाट सुरु भएको थियो भने सोमबार ‘खरना’ सम्पन्न गरिएको थियो। आज सझिया अर्घ दिइएपछि भोलि बिहान उदाउँदो सूर्यलाई अर्घ दिएर छठ पर्व समापन गरिने परम्परा रहेको छ।

छठ पूजाका लागि ठेकुवा, केरा, नरिवल, उखु, स्याउ, सुन्तला, निम्बु, अदुवा, मुला, गाजर लगायतका फलफूल तथा प्रसाद तयार पारेर सूर्य भगवान र छठी मातालाई अर्पण गर्ने गरिन्छ।

छठ पर्व तराई–मधेश क्षेत्रमा विशेष श्रद्धा र आस्थाका साथ मनाइने प्रमुख पर्वमध्ये एक हो।