निर्वाचन आयोग ले केन्द्रीय आचारसंहिता अनुगमन समितिमा हालसम्म ६६ वटा उजुरी दर्ता भएको जनाएको छ।

उजुरी परेका राजनीतिक दल, उम्मेदवार, सरकारी तथा गैरसरकारी संस्था, सञ्चारमाध्यम र पत्रकारलाई स्पष्टीकरण सोधिएकामा ३२ वटा जवाफ प्राप्त भइसकेको आयोगले जानकारी दिएको छ।

आयोगका कानुन अधिकृत मोहनराज जोशीका अनुसार सञ्चारमाध्यम र पत्रकारसम्बन्धी उजुरीमा प्रेस काउन्सिल नेपालमार्फत स्पष्टीकरण तथा कारबाही प्रक्रिया अघि बढाइएको छ। जिल्लास्तरमा पनि आचारसंहिता उल्लङ्घनसम्बन्धी उजुरीमाथि आवश्यक जाँचबुझ र कारबाही भइरहेको आयोगले जनाएको छ।

प्राप्त जवाफहरूको अध्ययन जारी रहेको र आचारसंहिता प्रभावकारी कार्यान्वयनका लागि केन्द्रीय तथा जिल्ला तहका अनुगमन संयन्त्र सक्रिय रहेको आयोगले स्पष्ट पारेको छ।