वीरगञ्जमा उत्पन्न परिस्थितिलाई मध्यनजर गर्दै जिल्ला प्रशासन कार्यालय पर्सामा सर्वपक्षीय बैठक बसिरहेको छ।

बैठकमा शान्ति–सुरक्षा अवस्था, कर्फ्युको प्रभावकारिता र आगामी रणनीतिबारे छलफल केन्द्रित गरिएको छ।

जिल्ला प्रशासन, सुरक्षा निकाय, राजनीतिक दल, स्थानीय तहका प्रतिनिधि तथा सरोकारवाला पक्षको सहभागितामा भइरहेको छलफलमा हालको अवस्थाको समग्र मूल्याङ्कन गरिँदैछ। प्रशासनले स्थिति पूर्ण रूपमा नियन्त्रणमा ल्याउन आवश्यक उपायहरूबारे सुझाव संकलन गरिरहेको जनाएको छ।

बैठकको निष्कर्षअनुसार कर्फ्युको अवधि, सुरक्षा व्यवस्थामा हुने परिवर्तन तथा अन्य निर्णयहरूबारे औपचारिक सूचना जारी गरिने जिल्ला प्रशासन कार्यालयले जनाएको छ।

यसबीच सर्वसाधारणलाई शान्ति र सद्भाव कायम गर्न सहयोग गर्न आग्रह गरिएको छ।