राष्ट्रिय स्वतन्त्र पार्टीका सभापति रवि लामिछाने र काठमाडौँ महानगरपालिकाका प्रमुख बालेन शाहबीच निजी भेटवार्ता भएको छ। ललितपुरको ज्वागलस्थित बालेनका सहयोगी कुमार बेनको निवासमा दुवैबीच वान–टु–वान छलफल चलिरहेको बताइएको छ।

यसअघि सुदन गुरुङ, सुनिल शर्मा, गणेश कार्कीलगायत नेताहरूको सहभागितामा सामूहिक छलफल भएको थियो। त्यसपछि लामिछाने र शाहबीच छुट्टै संवाद सुरु गरिएको हो।

आगामी निर्वाचनलाई ध्यानमा राख्दै नयाँ राजनीतिक शक्तिहरूबीच सहकार्य र सम्भावित तालमेलबारे छलफल केन्द्रित रहेको जनाइएको छ।