वीरगञ्ज महानगरपालिका वडा नम्बर १५ का जेन–जी युवाहरूले प्रधानमन्त्री बालेन्द्र शाह को समर्थनमा वृक्षारोपण कार्यक्रम आयोजना गरेका छन्।

भिस्वा डाँडा क्षेत्रमा आयोजित कार्यक्रममा युवाहरूले बालेन्द्र शाहको नाममा बिरुवा रोप्दै उनको नेतृत्वमा भइरहेको कार्यप्रति समर्थन जनाएका हुन्। कार्यक्रममा सहभागी युवाहरूले वातावरण संरक्षणसँगै सकारात्मक सन्देश प्रवाह गर्ने उद्देश्यले वृक्षारोपण गरिएको बताएका छन्।

कार्यक्रम सञ्चालन प्रविण मणिपाल र मुकेश यादवले गरेका थिए। कार्यक्रममा एस.टि.पि खबर का सञ्चालक दीपेन्द्र कुमार सिंह तथा सञ्चारकर्मी मिथुन सर्राफको उपस्थिति रहेको थियो।

कार्यक्रममा ज्ञानेन्द्र सर्राफ र बब्लु सिंहले सहयोग गरेका थिए। सहभागीहरूले यस्ता सामाजिक तथा वातावरणीय कार्यक्रमलाई आगामी दिनमा पनि निरन्तरता दिने प्रतिबद्धता व्यक्त गरेका छन्।